"Борнмут" "Милан" қанот ҳимоячиси Алекс Хименес билан шартнома имзолашни якунламоқда. "Гилослар" "россонерилар" билан 20 ёшли футболчини кейинчалик сотиб олиш имконияти билан ижарага олишга келишиб олди, дея хабар бермоқда журналист Фабрицио Романо. Шунингдек, инглиз клуби испаниялик футболчининг маошини тўлиқ қоплаб бериши ҳам маълум. Яқин 24 соат ичида футболчи тиббий кўрикдан ўтади, шундан сўнг битим расмийлаштирилади.
Алекс Хименес 2024 йилнинг ёзида "Милан" томонидан Мадриднинг "Реал" клубидан сотиб олинган эди. "Қаймоқранглилар" ўз тарбияланувчисини биринчи навбатда қайта сотиб олиш имкониятини сақлаб қолади.
