"Bornmut" "Milan" qanot himoyachisi Aleks Ximenes bilan shartnoma imzolashni yakunlamoqda. "Giloslar" "rossonerilar" bilan 20 yoshli futbolchini keyinchalik sotib olish imkoniyati bilan ijaraga olishga kelishib oldi, deya xabar bermoqda jurnalist Fabrisio Romano. Shuningdek, ingliz klubi ispaniyalik futbolchining maoshini to‘liq qoplab berishi ham ma’lum. Yaqin 24 soat ichida futbolchi tibbiy ko‘rikdan o‘tadi, shundan so‘ng bitim rasmiylashtiriladi.
Aleks Ximenes 2024 yilning yozida "Milan" tomonidan Madridning "Real" klubidan sotib olingan edi. "Qaymoqranglilar" o‘z tarbiyalanuvchisini birinchi navbatda qayta sotib olish imkoniyatini saqlab qoladi.
