Мадриднинг "Атлетико" клуби "Ювентус" билан вингер Николас Гонсалес трансфери бўйича музокаралар олиб бормоқда. "Матрасчилар" аргентиналик футболчи учун "кекса синьора"га расмий таклиф билан чиқди, дея хабар бермоқда инсайдер Маттео Моретто. Муҳокамалар бутун шанба давомида олиб борилди - томонлар яқин соатларда барча шартларни келишиб олишни хоҳлашади. 27 ёшли футболчи билан шартнома тафсилотлари бўйича келишувга эришилган.
Николас Гонсалес ўрнига "Ювентус" Франциянинг "Лилль" клубидан Эдон Жегровани олиб келишни режалаштирмоқда.
Гонсалес ёзда "Фиорентина"дан сотиб олинган, ўтган мавсумда у туринликлар сафида ижара асосида тўп сурганди.
