"Райо Вальекано" бош мураббийи Иньиго Перес Ла Лига доирасидаги "Барселона"га қарши ўйиндан олдин ўз фикрларини билдирди.
"Бу ўтган йилги "Барcелона" билан бир хил. Ўзгариш бўлган-бўлмаганини кўриш учун яна бир неча соат кутишимиз керак, аммо менимча, улар ҳануз тўпсиз жуда агрессив ўйнашади ва тўп билан эса кўплаб имкониятлар яратишда давом этишмоқда.
Улар якуний зарба бериш кучини ҳам, прессингни ҳам сақлаб қолишган. Бу ёш жамоа бўлиб, мураббий ҳам айнан шу таркибга жуда мос келади.
Бу Ла Лигада энг кўп кузатишни ёқтирадиган жамоам, чунки ундан ўрнак олиш мумкин. Улар жуда тўлиқ шаклланган, кучга тўла ва менга жуда ёқади", - деди мураббийи матбуот анжуманида.
Бугунги баҳс Тошкент вақти билан 00:30 да старт олади.
