"Rayo Valyekano" bosh murabbiyi Inigo Peres La Liga doirasidagi "Barselona"ga qarshi o‘yindan oldin o‘z fikrlarini bildirdi.
"Bu o‘tgan yilgi "Barcelona" bilan bir xil. O‘zgarish bo‘lgan-bo‘lmaganini ko‘rish uchun yana bir necha soat kutishimiz kerak, ammo menimcha, ular hanuz to‘psiz juda agressiv o‘ynashadi va to‘p bilan esa ko‘plab imkoniyatlar yaratishda davom etishmoqda.
Ular yakuniy zarba berish kuchini ham, pressingni ham saqlab qolishgan. Bu yosh jamoa bo‘lib, murabbiy ham aynan shu tarkibga juda mos keladi.
Bu La Ligada eng ko‘p kuzatishni yoqtiradigan jamoam, chunki undan o‘rnak olish mumkin. Ular juda to‘liq shakllangan, kuchga to‘la va menga juda yoqadi", - dedi murabbiyi matbuot anjumanida.
Bugungi bahs Toshkent vaqti bilan 00:30 da start oladi.
