Марказий ҳужумчи Эммануэль Деннис "Ноттингем Форест"ни тарк этди. Бу ҳақда "ўрмончилар" матбуот хизмати хабар бермоқда.
Таъкидланишича, томонлар меҳнат шартномасини ўзаро келишув асосида бекор қилган. Нигериялик футболчининг шартномаси 2026 йилнинг ёзигача мўлжалланган эди.
"Эммануэлга келажакда энг яхши тилакларни тилаймиз," - дейилади клуб баёнотида.
Деннис 2022 йилдан бери "Ноттингем Форест"да ўйнаб келмоқда. Бу вақт ичида у атиги 25 та ўйин ўтказиб, иккита гол урди ва учта голли узатма муаллифига айланди.













