"Марсель" майдон марказини кучайтирди. Провансал жамоаси таркибига бир йиллик ижара асосида 20 ёшли таянч ярим ҳимоячиси Артур Вермирен келиб қўшилди. Бу ҳақда француз клуби матбуот хизмати хабар тарқатмоқда.
Вермереннинг трансфер ҳуқуқлари "РБ Лейпциг"га тегишли. 2024 йилнинг қишида ёш футболчини Мадриднинг "Атлетико" клуби 20 миллион еврога сотиб олган эди, бироқ бир йил ўтгач, "буқалар" хавбекни Испания пойтахти жамоасидан худди шу пулга сотиб олишди.
Қайд этилишича, "Марсель" футболчининг ижараси учун 3 млн евро тўлаган. Французларда футболчини сотиб олиш ҳуқуқи бор. Вермиреннинг "РБ Лейпциг" билан шартномаси 2029 йилгача мўлжалланган.
"Марсель" янги мавсумда Европа Чемпионлар Лигасида ўйнайди.
