"Арсенал"га ўтишини кутаётган Пьеро Инкапье, "Байер" рухсатисиз Англияга йўл олди.
Илгари хабар қилинганидек, инглиз клуби "Байер"нинг 23 ёшли марказий ҳимоячисини ўз сафига қўшиш бўйича келишувга эришган.
The Athletic маълумотига кўра, гап бир мавсумга ижарага олиш ва 52 миллион евро ҳамда қайта сотиш суммасининг 10 фоизи эвазига сотиб олиш ҳуқуқи ҳақида бормоқда. Футболчи шахсий шартларни келишиб олди, унга кўра келгуси ёзда "Арсенал" билан беш йиллик шартнома имзолаши мумкин.
Декабрь ойида эквадорлик футболчи "Байер" билан шартномасини 2029 йил июнгача узайтирган бўлса-да, лондонликлар сафига ўтиш истагини клубга билдирган эди. Келишув "тўпчилар" ёзги трансфер ойнаси ёпилгунга қадар ўйинчилар билан хайрлаша олишига боғлиқ эди.
Клублар ҳамон тахминий трансферни якунлаш устида ишламоқда, Инкапиэ эса Лондонга йўл олган бўлса-да, "Арсенал"да тиббий кўрикдан ўтиш учун рухсат берилишини кутмоқда.
