«Ливерпуль» ҳимоячиси Константинос Цимикас Италиянинг «Рома» клубига ижара асосида ўтди, деб хабар бермоқда клубнинг расмий сайти.
29 ёшли футболчининг ижара шартномаси 2025/2026 йилги мавсум якунигача амал қилади. Цимикас «Рома» сафида 12-рақам остида ҳаракат қилади.
Ўтган мавсумда Цимикас барча турнирларда 29 та учрашувда майдонга тушиб, 2 та голли узатма берди. Футболчининг «Ливерпуль» билан амалдаги шартномаси 2027 йил ёзигача мўлжалланган. Transfermarkt портали маълумотларига кўра, унинг бозор қиймати 18 млн еврони ташкил этади.
Цимикас аввалроқ Грециянинг «Олимпиакос» клуби ҳамда Нидерландиянинг «Виллем II» жамоаси шарафини ҳимоя қилган.













