"Барселона" ярим ҳимоячиси Фермин Лопес ҳамон "Челси"га ўтиши мумкин. Куни кеча матбуотда "кўк-анорранглилар" футболчини қўйиб юбормасликка қарор қилгани ҳақида маълумот пайдо бўлди, аммо вазият трансфер ойнасининг сўнгги кунигача мавҳумлигича қолмоқда. Mundo Deprtivo хабарига кўра, Каталония гранди яқин соатларда "Челси" камида 70 млн евро таклиф қилса, Ферминни сотиш имкониятини кўриб чиқади.
Transfermarkt портали баҳосига кўра, Фермин Лопеснинг нархи 50 млн еврога тенг. 22 ёшли хавбекнинг "Барселона" билан амалдаги меҳнат шартномаси 2029 йилнинг ярмигача мўлжалланган.
