"Ювентус" ҳужумчиси Душан Влахович жамоасига "Женоа"ни мағлуб этишга (1:0) ёрдам берди. У ўйиндаги ягон гол муаллифи бўлди.
Сербиялик форвард учрашувдан сўнг ўз фикрларини билдирди.
"Яхши ўйнадик, жамоадошларимни ва мураббийни табрикламоқчиман. Мен фақат майдонга тушиб гол уришни ўйлардим. Қийин майдондаги бу ғалабадан хурсандмиз. Бу бизга халқаро танаффусга иккита ўйинда иккита ғалаба билан яқинлашиш имконини беради.
Сўнгги ҳафталарда фақат майдон ҳақида ўйладим ва қўлимдан келганича машқ қилдим. Жамоага ёрдам бера олганимдан жуда хурсандман ва шу руҳда давом этишни истайман. Мавсум узоқ давом этади ва умидимиз - ўзимиз истаган нарсага эришиш", - деди Влахович.
Қўшимча қиламиз, "Ювентус" навбатдаги ўйинини "Интер"га қарши ўтказади.
