"Манчестер Сити" ярим ҳимоячиси Илкай Гюндоган "Галатасарой"га ўтади. Бу ҳақда журналист Фабрицио Романо Х ижтимоий тармоғидаги саҳифасида маълум қилди.
Инглиз клуби футболчини қўйиб юборишга рози бўлди, ярим ҳимоячи янги жамоаси билан шартнома имзолайди, унинг муддати икки йилга мўлжалланган.
Гюндоган 2016 йилнинг ёзида "Манчестер Сити"га кўчиб ўтган ва 2023 йилгача "шаҳарликлар" сафида ўйнаган ва шартнома муддати тугагач, жамоани тарк этиб, "Барселона"га ўтган. Бироқ 2024 йилнинг ёзида ярим ҳимоячи яна инглиз клуби билан шартнома имзолади. Футболчининг амалдаги меҳнат шартномаси 2026 йилнинг ёзига қадар тузилган.













