"Борнмут" 18 ёшли сербиялик ҳимоячи Велько Милосавлевич билан 5 йиллик шартнома имзолади. Бу ҳақда инглиз клуби расмий сайтида маълум қилди. Футболчи аввалроқ "Црвена Звезда"да ўйнаган.
Ёш футболчи ўтган мавсумда Сербия чемпионатида дебют қилди ва Белград клуби сафида олий дивизионда 14та ўйин ўтказишга муваффақ бўлди. Жорий мавсумда Милосавлевич Чемпионлар лигаси саралаш босқичининг бешта учрашувида иштирок этди.
Бундан ташқари, ҳимоячи бу йил Сербия U21 терма жамоасида дебют қилди. Transfermarkt портали маълумотларига кўра, футболчининг бозор қиймати 1 миллион еврони ташкил қилади.













