Англиялик ҳужумчи Жейдон Санчо "Манчестер Юнайтед"дан "Астон Вилла"га 2025/26 йилги мавсум учун ижара асосида ўтди. Бу ҳақда клуб матбуот хизмати хабар бермоқда.
25 ёшли футболчи ўтган мавсум "Челси" сафида барча мусобақаларда 42та ўйинда майдонга тушиб, 5та гол урган ва жамоадошларига 10та голли узатмани амалга оширган ҳолда Конференциялар Лигасида ғолиб чиққан жамоанинг бир қисмига айланган эди.
Санчо 2021 йилдан буён "Манчестер Юнайтед" шарафини ҳимоя қилиб келаётганди, аммо жорий мавсумда ҳали майдонга тушгани йўқ. Transfermarkt маълумотларига кўра, футболчининг нархи 28 миллион еврога баҳоланмоқда.
