Angliyalik hujumchi Jeydon Sancho "Manchester Yunayted"dan "Aston Villa"ga 2025/26 yilgi mavsum uchun ijara asosida o‘tdi. Bu haqda klub matbuot xizmati xabar bermoqda.
25 yoshli futbolchi o‘tgan mavsum "Chelsi" safida barcha musobaqalarda 42ta o‘yinda maydonga tushib, 5ta gol urgan va jamoadoshlariga 10ta golli uzatmani amalga oshirgan holda Konferensiyalar Ligasida g‘olib chiqqan jamoaning bir qismiga aylangan edi.
Sancho 2021 yildan buyon "Manchester Yunayted" sharafini himoya qilib kelayotgandi, ammo joriy mavsumda hali maydonga tushgani yo‘q. Transfermarkt ma’lumotlariga ko‘ra, futbolchining narxi 28 million yevroga baholanmoqda.
