Нигериялик ҳужумчи Келечи Ихеначо Испаниянинг "Севилья" клубини тарк этди, дея хабар бермоқда клуб матбуот хизмати.
Келечи андалусияликлар сафида ўтган йилнинг ёзидан буён тўп суриб келаётган бўлса, 2024/2025 йилги мавсумнинг иккинчи ярмини форвард Англиянинг "Мидлсбро" клубида ижарада ўтказди.
Севиляликлар таркибида 28 ёшли нигериялик 11 та ўйин ўтказган. Ихеаначо учта голга муаллифлик қилган.
Бунгача Келечи фаолиятида Англиянинг "Манчестер Сити" ва "Лестер" клублари бўлган. Нигерия терма жамоаси сафида ҳужумчи 55 та ўйин ўтказиб, 15 та гол урган.













