Ёзги трансфер ойнасида ҳужумчи Виктор Дьёкереш "Спортинг"дан "Арсенал"га ўтди. Швециялик форвард Португалия клубига ультиматум қўйиб, машғулотларга боришдан бош тортгани учун танқидларга учради. У бу ҳақида ўз фикрларини билдирди.
"Дунёда аслида тушунмайдиган нарсалар ҳақида ўйлайдиган ва гапирадиган одамлар кўп. Ҳаммани бахтли қилишнинг иложи йўқ. Ўйлашимча, сенинг ҳаётингда аслида нима бўлаётганини тушунмайдиган одамларга ниманидир исботлашим шарт эмас", - деди Дьёкереш Швеция терма жамоаси машғулотларида журналистларга.
"Арсенал" сафида учта ўйинда Виктор Дьёкереш иккита гол урди. Швед "Лидс"га қарши ўйинда дубль қайд этди.
