"Галатасарой" клуби янги дарвозабон сотиб олганини расман эълон қилди. Жамоа сафига Туркия терма жамоаси дарвозабони Уғуржон Чакир келиб қўшилди. Тегишли маълумотлар жамоа расмий сайтида пайдо бўлди.
Чақир "Трабзонспор"дан 33 млн еврога сотиб олинди. Яна 3 млн бонус сифатида тўланиши кўзда тутилган. 29 ёшли дарвозабон "Галатасарой" билан 5 йиллик меҳнат шартномасини имзолади.
Ўтган мавсумда туркиялик посбон "Трабзонспор" сафида 43 та ўйинда майдонга тушиб, ўз дарвозасидан 42 та гол ўтказиб юборган. 18 та ўйинда Чақир ўз дарвозаси дахлсизлигини сақлаб қолди.
