Турк миллатига мансуб немис ярим ҳимоячиси Илкай Гюндоган Туркиянинг "Галатасарой" клубига кўчиб ўтди ва тарихий ватанида ўйнаш орзусини амалга оширганини айтди.
«Мен жуда ҳаяжондаман, бу менинг орзумнинг рўёби. Ҳозир содир бўлаётган воқеалар - бу тақдир, чунки мен ҳар доим "Галатасарой"нинг катта мухлиси бўлганман. Мен ҳар доим клуб натижаларини кузатиб борганман ва ҳозир унинг бир қисми бўлишдан фахрланаман», - дея Илкай Гюндоганнинг сўзларини келтиради derbyderbyderby.it.
Эслатиб ўтамиз, ярим ҳимоячи ҳозирда 35 ёшда бўлиб, у Англиянинг "Манчестер Сити" ва Каталониянинг "Барселона" каби Европанинг номдор клубларида ўйнаган.
