Ҳужумчи Бертран Траоре Амстердамнинг “Аякс” клубини тарк этиб, туманли Альбионга кўчиб ўтди.

У “Сандерленд” билан шартнома имзолади. Инглиз клуби матбуот хизматининг маълум қилишича, янги футболчи билан 1+1 кўринишида келишув амалга ошган. Трансфер нархи эса 2,5 миллион еврони ташкил этган.

Ўтган мавсумда Траоре барча турнирларда 49 та ўйинда майдонга тушиб, 10 та гол урди ва 8 та голли узатмани амалга оширди. Унинг Transfermarkt'даги нархи 8 миллион еврога баҳоланмоқда.