"Арсенал"нинг эквадорлик янги футболчиси Пьеро Инкапье Лондон клубига ўтишдан олдин "канонирлар"нинг собиқ хавбеки Гранит Жака билан маслаҳатлашганини айтди.
"Биз кўп гаплашдик, лекин "Арсенал" ҳақида эмас, аммо бир пайт мен ундан клуб ҳақида сўрадим. У клуб ҳақида ва бу ерда ўйнаб, ўзини қандай ҳис қилганлиги ҳақида ажойиб сўзлар айтди. Ўша кунги суҳбатимиз менга жуда ёқди ва у яқиндагина бўлиб ўтганди. У ҳар доим "Арсенал" ҳақида яхши фикрлар билдирган," - дея Инкапиэнинг сўзларини келтиради "канонирлар" матбуот хизмати.
