Англиянинг "Вест Хэм" клуби ярим ҳимоячиси Лукас Пакета маҳаллий футбол раҳбарияти томонидан жаримага тортилиши мумкин.
Манбага кўра, футболчи июль ойида келишилган ўйинлар иши бўйича оқланган, бироқ тергов билан ҳамкорлик қилишдан бош тортгани учун жазо олиш хавфи бор. Жавобгарлик бўйича ёзма асослар шу ҳафта эълон қилинади, жазонинг максимал миқдори эса 172 минг евродан ошмайди, бу бразилияликнинг ҳафталик маошини ташкил қилади.
Шунингдек, Пакета Англия футбол ассоциациясидан суд харажатлари учун компенсация олиши ёки олмаслиги ҳам тез орада маълум бўлади. Унинг ҳажми тахминан 1,1 миллион еврони ташкил қилиши мумкин.
