"Милан" ярим ҳимоячиси Лука Модрич тез орада 40 ёшни қарши олади, аммо ҳозирча фаолиятини якунлашни режалаштирмаяпти.
Хорват ўтган ёзда "Реал"ни эркин агент сифатида тарк этиб, "россонерилар" сафига қўшилганди. Юлдуз фахрийнинг Италия клуби билан шартномаси келаси йилнинг ярмигача мўлжалланган, аммо у 2026/27 йилги мавсум охиригача узайтирилиши мумкин. Журналист Маттео Мореттонинг маълум қилишича, буни футболчининг ўзи ҳал қилади: агар у керак деб ҳисобласа, автоматик узайтириш банди кучга киради.
Лука Модрич 13 йил давомида "Реал" шарафини ҳимоя қилган. Аввалроқ, "қаймоқранглилар"нинг собиқ юлдузи фаолиятини 2026 йилда, жаҳон чемпионатидан сўнг якунлашни режалаштираётгани тахмин қилинганди, бироқ футболчининг ўзи ҳозирча бу ҳақида қарор қабул қилмаган.
