"Барселона" ҳимоячиси Жюль Кунде каталонияликларнинг жорий мавсумдаги ўйин жадвалини танқид қилди. Француз футболчининг фикрича, жадвал жуда зич бўлиб, бу маълум муаммоларни келтириб чиқариши мумкин.

"Бизда ўйинлар кўплиги... ҳаётда баъзи нарсаларни ҳаддан ташқари кўп ишлатганимизда, уларга керакли эътиборни қаратмаймиз. Эҳтимол, баъзида ўйинлар кўплигидан айрим учрашувларга қизиқиш пасаяди," - дея Кунде сўзларини келтиради RMC Sport.

Ўтган мавсумда Кунде "Барселона"нинг 53 та ўйинида иштирок этиб, 4 та гол урди ва 8 та голли узатма берди.