"Barselona" himoyachisi Jyul Kunde kataloniyaliklarning joriy mavsumdagi o‘yin jadvalini tanqid qildi. Fransuz futbolchining fikricha, jadval juda zich bo‘lib, bu ma’lum muammolarni keltirib chiqarishi mumkin.

"Bizda o‘yinlar ko‘pligi... hayotda ba’zi narsalarni haddan tashqari ko‘p ishlatganimizda, ularga kerakli e’tiborni qaratmaymiz. Ehtimol, ba’zida o‘yinlar ko‘pligidan ayrim uchrashuvlarga qiziqish pasayadi," - deya Kunde so‘zlarini keltiradi RMC Sport.

O‘tgan mavsumda Kunde "Barselona"ning 53 ta o‘yinida ishtirok etib, 4 ta gol urdi va 8 ta golli uzatma berdi.