Анге Постекоглу Бундеслигада иш бошлаши мумкин.
Sky Sport Deutschland нашри тарқатган хабарга кўра "Тоттенхэм"нинг собиқ бош мураббийи "Байер"ни бошқаришга номзодлар рўйхатидан ўрин олган.
Леверкузенликлар бир нечта вариантларни, жумладан, "Реал"нинг собиқ форварди Раулни кўриб чиқмоқда ва ҳозирча бир қарорга келинмаган. Раҳбарият ҳафта охиригача танлов қилиши кутилмоқда.
Эслатиб ўтамиз, Эрик тен Хаг Бундеслиганинг 2-туридан кейин истеъфога чиқарилган эди.













