"Ливерпуль" ҳужумчиси Муҳаммад Салоҳ жамоанинг ёзги трансферлар ойнасига келган янги аъзолари ҳақида гапирди.

"Қизиллар" бирданига икки қимматбаҳо ҳужумчи - Уго Экитике ва Александр Исакни ўз сафига қўшиб олди. Шунингдек, жамоа сафини бошқа кўплаб футболчилар, жумладан, ҳужумкор ярим ҳимоячи Флориан Вирц ҳам тўлдирди.

"Мен ҳали Уго ва Александр билан ўзаро тушунишни йўлга қўйишим керак. Биз машғулотларда алоқаларни ривожлантиришга ҳаракат қиляпмиз, видеоларни кўриб чиқяпмиз. Мураббий бизга қандай ҳаракат қилишни кўрсатмоқда. Тез орада янги ўйинчилар билан қандай муносабатда бўлиш кераклигини тушуниб оламан ва бу менинг ўз ўйинимни яхшилайди," - дея Салоҳнинг фикрларини журналист Алфредо Педулла келтиради.