Камерунлик дарвозабон Андре Онана энди "Манчестер Юнайтед"нинг режаларида йўқ. talkSPORT хабарига кўра, "қизил иблислар" 29 ёшли дарвозабонни Саудия Арабистони чемпионатига қўйиб юборишга тайёр.
Манбага кўра, манкунианликлар африкалик футболчининг трансфери бўйича номи ошкор этилмаган битта клуб билан музокара олиб бормоқда. Transfermarkt портали баҳосига кўра, дарвозабоннинг бозор нархи 25 миллион еврони ташкил этади. Онана инглиз клуби билан 2028 йил ёзигача шартнома мажбуриятлари билан боғланган.
Андре ўтган мавсум Англия чемпионатида 34 та ўйинда иштирок этиб, 44 та тўп ўтказиб юборган. Камерунлик тўққиз учрашувда дарвозаси дахлсизлигини сақлаб қолган.
