Каталониянинг "Барселона" клуби собиқ футболчиси Ривалдо жамоанинг янги мавсум стартидаги ўйини ҳақида фикр билдирди.
Каталонияликлар Ла Лига дастлабки 3 та турида 2 та ғалаба ва 1 дуранг қайд этиб, 7 очко жамғаришди. Улар "Реал"дан 2 очко ортда қолмоқда.
"Дастлабки учта ўйин қийин кечди ва тўққиз имкониятдан еттита очко тўплаган бўлса-да, ўйин баъзи мухлисларни ишонтирмади. Жамоа кучли эканига ва ўзи иштирок этаётган совринлар учун курашишига ишонаман. Мавсум энди бошланди ва Чемпионлар Лигаси каби йирик турнирлар бошланиши билан вазият ўзгаради. "Барселона" босим ва танқидларга ўрганиб қолган ва мен бунда муаммо кўрмаяпман", - деди "Олтин тўп" соҳиби ва "Бунёдкор" собиқ футболчиси.
