Бельгия терма жамоаси бош мураббийи Руди Гарсия жамоанинг тажрибали ярим ҳимоячиси Кевин Де Брюйне нега энди сардорлик қилмаслигини тушунтирди.
"Тилеманс Лихтенштейнга қарши ўйинда сардор бўлади. Юри - "олтин авлод" ва ёш футболчилар ўртасидаги бўғин", - деди Гарсия матбуот анжуманида.
Мураббий қўшимча қилганидек, Тилеманс келажакда Бельгия терма жамоаси сардори бўлиб қолади.
Эслатиб ўтамиз, Де Брюйне мавсум бошидан буён Италия чемпиони "Наполи"да ўйнамоқда. Аввалроқ у фаолиятининг ўн йили давомида Англияда "Манчестер Сити"да ўйнаган. 34 ёшли футболчи фаолияти давомида Бельгия терма жамоаси сафида 111 та ўйин ўтказиб, 34 та гол урган.
