"Милан" ярим ҳимоячиси Исмаэль Беннасер ўзини Хорватияда синаб кўради. 27 ёшли футболчи жорий мавсум якунига қадар ижара асосида Загребнинг "Динамо" клуби сафига қўшилди. Бу ҳақда Хорватия клуби матбуот хизмати хабар берди. Битим кейинчалик сотиб олиш имкониятини ўз ичига олади.
Исмаэль Беннасер 2019 йилнинг ёзида "Эмполи"дан "Милан"га кўчиб ўтган эди. Ўтган мавсумнинг иккинчи ярмини жазоирлик футболчи Францияда ўтказди ва у ерда "Марсел" шарафини ҳимоя қилди. Умуман олганда, хавбек "россонерилар" сафида 178 та ўйинда 8 та гол ва 12 та голли узатмага муаллифлик қилган.
Загребнинг "Динамо" клуби Европа Лигасининг жорий мавсумида умумий босқичда ҳаракат қилади.
