Парагвай президенти 2010 йилдан бери илк бор жаҳон чемпионатига чиққан маҳаллий футбол жамоасининг ютуғига ҳурмат бажо келтирди.
Унинг фармони билан 5 сентябрни дам олиш куни ва миллий байрам деб эълон қилди. Маҳаллий ҳокимият органларининг расмий манбаларида эълон қилинган матнда дам олиш куни тиббиёт соҳаси ходимларига, шунингдек, "жамият учун муҳим" давлат хизматлари соҳасида ишлайдиган мансабдор шахсларга тааллуқли эмаслиги таъкидланган.
Саралаш якунланишига бир тур қолганида парагвайликлар турнир жадвалининг олтинчи поғонасини банд қилишди.
Жанубий Америкадан Аргентина, Бразилия, Уругвай, Эквадор ва Колумбия ҳам жаҳон чемпионатига чиқишди.
