Paragvay prezidenti 2010 yildan beri ilk bor jahon chempionatiga chiqqan mahalliy futbol jamoasining yutug‘iga hurmat bajo keltirdi.
Uning farmoni bilan 5 sentyabrni dam olish kuni va milliy bayram deb e’lon qildi. Mahalliy hokimiyat organlarining rasmiy manbalarida e’lon qilingan matnda dam olish kuni tibbiyot sohasi xodimlariga, shuningdek, "jamiyat uchun muhim" davlat xizmatlari sohasida ishlaydigan mansabdor shaxslarga taalluqli emasligi ta’kidlangan.
Saralash yakunlanishiga bir tur qolganida paragvayliklar turnir jadvalining oltinchi pog‘onasini band qilishdi.
Janubiy Amerikadan Argentina, Braziliya, Urugvay, Ekvador va Kolumbiya ham jahon chempionatiga chiqishdi.
