Ўзбекистон U-18 терма жамоаси Еревенда Арманистон ёшлар терма жамоасига қарши дастлабки ўртоқлик ўйинини ўтказди. Жамолиддин Раҳматуллаев бошчилигидаги ёшларимиз рақибни 2:1 ҳисобида мағлуб этишди.

Биринчи бўлимда Қувончбек Абраев жарима зарбасидан ҳисобни очган бўлса, орадан кўп ўтмасдан меҳмонлар мувозанатни тиклашди.

Баҳснинг 58-дақиқасида жамоамиз пенальти тепиш ҳуқуқини қўлга киритди. Даврон Тўлаганов томонидан йўлланган зарбани арманистонлик посбон қайтарган бўлса, тўпга биринчи бўлиб етиб келган Улуғбек Маратов дарвозага жойлади.

Жамоалар ўртасидаги иккинчи ўйин 8 сентябрь куни ўтказилади.

Ўртоқлик ўйини
Арманистон U-18 - Ўзбекистон U-18 - 1:2
Голлар: Арманистон 27ʼ — Қувончбек Абраев 8ʼ, Улуғбек Маратов 58ʼ.
Ноаниқ пенальти: Даврон Тўлаганов 58ʼ
Бошланғич таркиб: 21. Богдан Одинаев, 2. Саддам Аҳмадов, 3. Озод Одилжонов, 4. Беҳруз Каримов, 5. Азизбек Тўлқунбеков (с), 7. Қувончбек Абраев, 11. Даврон Тўлаганов, 16. Улуғбек Маратов, 17. Жасурбек Жумабоев, 19. Муҳаммадали Дилшодбеков, 22. Абдулфайз Бобомуродов
Захира: Абдуталипов, Абдурасулов, Омонкелдиев, Шораҳмедов, Эрманов, Тожиев, Солиев, Абдусаттаров, Искандаров, Тожибоев, Абдумажидов.