Италиянинг "Парма" клуби бош директори Федерико Керубини марказий ҳимоячи Жованни Леонининг "Ливерпул"га ўтиши тафсилотлари билан ўртоқлашди.
"Мен ҳар доим уни жамоада олиб қолишни хоҳлаётганимизни айтардим ва у ҳар доим бу ерда қолишдан хурсанд бўлишини айтарди. Биз ҳатто "Ньюкасл"нинг охир-оқибат "Ливерпуль" қилганидан кўра фойдалироқ бўлган таклифини рад этдик", - дея Керубинининг сўзларини келтиради Gazzetta di Parma.
Керубинининг таъкидлашича, Леонининг АПЛга кетишига "Ливерпул"дек машҳур клубга ўтиш имкониятидан хурсанд бўлган футболчининг истаги сабаб бўлган. Бу мавсумда 18 ёшли футболчи янги жамоаси сафида ҳали майдонга тушмади.
