"Манчестер Юнайтед" дарвозабони Алтай Байиндир фаолиятини Туркия чемпионатида давом эттириш имкониятига эга, деб хабар беради Attacking Football.
Журналистлар маълумотига кўра, 27 ёшли дарвозабонни "Трабзонспор" ўз сафига қўшиб олмоқчи. Туркияда трансфер ойнаси яна бир ҳафта очиқ бўлади, шунинг учун томонлар битимни расмийлаштиришга улгуришлари мумкин. Туркиялик футболчининг трансфер нархи саккиз миллион еврога баҳоланмоқда. У 2027 йилнинг ўрталаригача "қизил иблислар" билан меҳнат мажбуриятлари бўйича боғланган.
Байиндир ўтган мавсумда 10 та ўйин ўтказиб, 18 та тўп ўтказиб юборган.
