Англия терма жамоаси бош мураббийи Томас Тухель Андоррага қарши уй учрашувида асосий таркибдан фойдаланмоқчи, аммо орадан уч кун ўтиб "уч шерлар" Сербия меҳмони бўлади.
"Кейн таркибда тушади. Бу жаҳон чемпионати мавсуми, бизда йиғинлар жуда қисқа. Бу дегани, биз ўзимиз ишонганлар ичида энг кучлисини майдонга туширамиз. Биз тескари тартибда ҳаракат қилмаймиз - аввал биринчи ўйин ҳақида, кейин иккинчи ўйин ҳақида ўйлаш керак. Биз тажрибаларга берилиб кетмаймиз. Ўйинни ўтказамиз, кейин футболчиларнинг ҳолатини ўрганамиз," - деди Тухель матбуот анжуманида.
