Angliya terma jamoasi bosh murabbiyi Tomas Tuxel Andorraga qarshi uy uchrashuvida asosiy tarkibdan foydalanmoqchi, ammo oradan uch kun o‘tib "uch sherlar" Serbiya mehmoni bo‘ladi.
"Keyn tarkibda tushadi. Bu jahon chempionati mavsumi, bizda yig‘inlar juda qisqa. Bu degani, biz o‘zimiz ishonganlar ichida eng kuchlisini maydonga tushiramiz. Biz teskari tartibda harakat qilmaymiz - avval birinchi o‘yin haqida, keyin ikkinchi o‘yin haqida o‘ylash kerak. Biz tajribalarga berilib ketmaymiz. O‘yinni o‘tkazamiz, keyin futbolchilarning holatini o‘rganamiz," - dedi Tuxel matbuot anjumanida.
