Пайшанба оқшомида "Тоттенхэм" Даниэль Левининг клуб бошқарувидан кетганини эълон қилди. Леви Лондон клубини қарийб 25 йил бошқарган - у 2001 йилда лавозимни эгаллаган.
The Times’га маълум бўлишича, Леви "Тоттенхэм" бошқарувидан кетиши ҳақида қарор эълон қилинишидан бироз олдин - ўша куни тонгда хабар топган.
Эндиликда "Тоттенхэм"ни бош директор лавозимида ишлаб келаётган Винай Венкатешам бошқаради.
Эслатиб ўтамиз, "Тоттенхэм"га ENIC инвестиция компанияси эгалик қилади. У клуб акцияларининг 86,58 фоизига эгалик қилади.
"Тоттенхэм" айни дамда Премьер-лига турнир жадвалида тўртинчи ўринда бормоқда.
