Германиялик мутахассис Доменико Тедеско айни пайтда "Фенербахче" бош мураббийлигига номзодлар рўйхатида етакчилик қилмоқда. Бу ҳақда туркиялик журналист Дорук Тежимер хабар бермоқда.

Эслатиб ўтамиз, аввалроқ "Фенер" бош мураббийсиз қолганди, клуб УЕФА Чемпионлар лигаси плей-офф босқичидан чиқиб кетганидан сўнг португалиялик Жозе Моуриньо билан хайрлашганди. Туркия чемпионатига келсак, унда "канарейкалар" сўнгги тўрт мавсумда кетма-кет иккинчи ўринни эгаллаган.

Тедесконинг сўнгги иш жойи Бельгия терма жамоаси эди. Мутахассис уни 2025 йил январь ойида тарк этган.