Ўтмишда машҳур бўлган футболчи Лотар Маттеус 125 миллион евролик трансфердан кейин "Ливерпуль"даги фаолиятини унчалик ёрқин бошламаган ҳужумкор ярим ҳимоячи Флориан Вирц ҳақида гапирди.

"Хорижга бундай катта трансфердан кейин бу нормал ҳолат. Лекин у ажойиб футболчи. Вақт ўтиши билан у Премьер-лигага кўникади ва янада кўпроқ босимга дош бера олади. Аввалига "Интер"да ҳам шундай бўлганди. Ҳаммасига кўникишимга тўғри келди - қисман ОАВдаги шов-шувлар ва трансфернинг катта суммаси туфайли. Андри Бреме эса "Интер"да дарҳол ўзини кўрсатди, чунки унинг трансфери катта шов-шувсиз ўтди," - деди Маттеус Sky Sport нашрига.