Нидерландия терма жамоасининг собиқ футболчиси Данни Блинд "Аякс" клуби кузатув кенгашидан кетишга қарор қилганини эълон қилди. Тегишли маълумотлар жамоа сайтида пайдо бўлди.
Қайд этилишича, Блинд унинг ўрнига бошқа одам топилмагунча ва акциядорларнинг навбатдаги йиғилишида янги номзод тасдиқланмагунча ўз вазифаларини бажаришда давом этади.
Блинд 1986 йилдан 1999 йилгача "Аякс" сафида ўйнаган, терма жамоа сафида 42 та ўйин ўтказиб, 1 та гол урган. Кейинчалик у "Аякс" ва Нидерландия терма жамоаси мураббийи бўлган, Роттердамнинг "Спарт" клубида директор бўлиб ишлаган. Блинд сўнгги 3 йил давомида "Аякс" кузатув кенгашидан жой олган.
