Жума куни бўлиб ўтган ЖЧ-2026 саралашида Франция терма жамоаси Украинани 2:0 ҳисобида мағлуб этди. Дидье Дешам жамоаси таркибида голларга Майкл Олисе ва Килиан Мбаппе муаллифлик қилди.
Ҳозирда Мбаппе ҳисобида Франция терма жамоаси сафида 51 та гол бор. Жамоа тарихидаги тўпурарлар рейтингида Килиан Тьерри Анрига иккинчи ўринда етиб олди. Франция терма жамоаси сафида фақат Оливье Жиру кўпроқ гол урган - у 57 та гол киритган.
Хабарингиз бор, клублар миқёсида Килиан Мбаппе "Реал" шарафини ҳимоя қилади.
Франция терма жамоаси навбатдаги учрашувини 9 сентябрь, сешанба куни ўз майдонида Исландияга қарши ўтказади.
