"Манчестер Сити" шарафини ҳимоя қилаётган Натан Аке қишки трансфер ойнасида жамоасини ўзгартириши мумкин. Нидерландияликни ёзда кетиш билан боғлашганди, бироқ у жамоада қолди. Caught Offside хабарига кўра, "Ноттингем Форест", "Эвертон" ва "Тоттенхэм" клублари 30 ёшли футболчини январь ойида ўз сафига қўшиб олиш ҳақида ўйламоқда. Transfermarkt портали футболчининг нархини 25 млн еврога баҳоламоқда.
Натан Аке "шаҳарликлар" сафида 2020 йилдан буён тўп суриб келмоқда. Жорий мавсумда футболчи Хосеп Гвардиола жамоасининг фақат битта ўйинида майдонга тушди. "Челси" академияси тарбияланувчисининг "Манчестер Сити" билан амалдаги шартномаси 2027 йилгача мўлжалланган.













