"Manchester Siti" sharafini himoya qilayotgan Natan Ake qishki transfer oynasida jamoasini o‘zgartirishi mumkin. Niderlandiyalikni yozda ketish bilan bog‘lashgandi, biroq u jamoada qoldi. Caught Offside xabariga ko‘ra, "Nottingem Forest", "Everton" va "Tottenxem" klublari 30 yoshli futbolchini yanvar oyida o‘z safiga qo‘shib olish haqida o‘ylamoqda. Transfermarkt portali futbolchining narxini 25 mln yevroga baholamoqda.

Natan Ake "shaharliklar" safida 2020 yildan buyon to‘p surib kelmoqda. Joriy mavsumda futbolchi Xosep Gvardiola jamoasining faqat bitta o‘yinida maydonga tushdi. "Chelsi" akademiyasi tarbiyalanuvchisining "Manchester Siti" bilan amaldagi shartnomasi 2027 yilgacha mo‘ljallangan.