Mundo Deportivo хабарига кўра, «Барселона» ҳимоя чизиғида Андреас Кристенсен ва Рональд Араухонинг келажаги ноаниқ бўлгани сабаб трансфер бозорини ўрганмоқда.

Манба маълумотига кўра, энг катта қизиқиш «Спортинг» футболчиси Гонсалу Инасиуга қаратилган. У «Бавария» ҳужумчиси Луис Диас билан бир хил агентлик мижози ҳисобланади.

Шунингдек, каталонлар қуйидаги ҳимоячиларни кузатмоқда:

«Ноттингем Форест» футболчиси Мурилло;
«Кристал Пэлас» ҳимоячиси Марк Гехи;
«Палмейрас» ўйинчиси Луис Бенедетти;
«ПСЖ» футболчиси Лукас Бералдо (у Луис Энрике ишончини йўқотгани сабаб француз грандини тарк этиши мумкин).