Италия терма жамоаси форварди Мойзе Кин ЖЧ-2026 саралаш босқичи доирасида Эстонияга қарши кечган баҳсдан олган таассуротлари билан ўртоқлашди.
"Иккинчи бўлимда босимни оширишимиз муҳим эди. Гол ура олганимдан жуда мамнунман. Биринчи голдан кейин бизда кўпроқ бўш ҳудудлар пайдо бўлди. Бу орқали биз фойда кўрдик", - дея ҳужумчининг сўзларини келтиради УEФА матбуот хизмати.
Эслатиб ўтамиз, мазкур беллашув Италия терма жамоасининг 5:0 ҳисобидаги ғалабаси билан якунланди. "Скуадра адзурра" навбатдаги ўйинини Исроилга қарши ўтказади. Учрашув 8 сентябрь куни нейтрал майдонда бўлиб ўтади.
