Россиянинг Татаристон автоном республикаси пойтахти Қозон шаҳрида 17-бор ташкил қилинаётган бутунжаҳон ёзги Универсиада мусобақалари қизғин паллага кириб бормоқда.
Бугунга келиб Ўзбекистон терма жамоаси ҳисобида спортчиларимиз учта бронза медалини қўлга киритишди. Белбоғли кураш бўйича 75 кг вазн тоифасида Зайлобиддин Ортиқов, 90 кг вазнда эса Нозимжон Иброҳимов бронза медалларини қўлга киритди. Шунингдек дзюдо бўйича -100 кг вазнда Соҳиб Қурбнов ҳам учинчи ўринни қўлга киритиб Универсиада шоҳсупасидан жой олди.
Бугун ҳам баҳслар давом эттирилади. Вакилларимиз спортнинг бокс дзюдо каби бир қанча турлари бўйича кураш олиб боришади.