Қатарнинг "Ар-Райян" клуби бразилиялик вингер Весли Рибейро билан шартнома имзолаганини эълон қилди. Тегишли маълумотлар жамоа сайтида эълон қилинди.
26 ёшли футболчи ўтмишда ўз ватанида "Палмейрас", "Витория", "Крузейро", шунингдек, "Интернасьонал" клубларида тўп сурган. "Палмейрас" таркибида Рибейро бир қатор совринларни қўлга киритди, жумладан, Бразилия кубоги ва 2 та Либертадорес кубоги, шунингдек, мамлакат чемпионати.
Весли Рибейро жорий мавсум клуб миқёсида 38 та ўйинда майдонга тушди ва 1 та гол ҳамда 4 та голли узатмага муаллифлик қилди. Унинг "Интернасьонал"дан трансфер нархи 8,5 миллион еврога баҳоланмоқда.
