Қанот ҳужумчиси Риккардо Орсолини "Болонья" билан меҳнат шартномасини узайтиришга яқин турибди. Бу ҳақда инсайдер Николо Скира хабар бермоқда.
Манбага кўра, томонлар ўртасидаги янги келишув 2029 йилгача мўлжалланган бўлиб, амалдаги шартнома 2027 йилда ўз ниҳоясига етади. Бундан ташқари, Орсолинининг маоши сезиларли даражада оширилади.
Орсолини "Болонья" сафида 2019 йилдан буён тўп суриб келмоқда. Ўтган мавсумда 28 ёшли италиялик футболчи барча мусобақаларда 17 та гол уриб, жамоанинг энг яхши тўпурари бўлганди.













